ئەمڕۆ پێنجشەممە لەلایەن لیژنە تەندروستییەكانی قەزای چەمچەماڵەوە بڕێكی زۆر جگەری قەدەغەكراو لەناو براوە.

رەمەك رەمەزان، قایمقامی قەزای چەمچەماڵ، رايگەیاند: "ئەمڕۆ پێنجشەمە 3/10/ 2019 هەوڵدراوە لە پارێزگای كەركووكەوە 100 كیلۆ جگەری قەدەغەكراو بۆ چەمچەماڵ بهێندرێت، بەڵام دواتر لەلایەن لیژنە تەندروستییەكانەوە پشكنینی بۆ كراوە و دەركەوتووە شیاوی خواردن نییە".

گوتیشی: "لەلایەن لیژنە تەندروستییەكانی چەمچەماڵەوە ئەو 100 کیلۆ جگەرە سووتێنراوە و لەناو براوە".

قایمقامی چەمچەماڵ راشی گەیاند: "لە بازگەی بانی مەقام چاودێریی ئەو خۆراك و کەلوپەلانە دەكەین کە دێنە سنووری چەمچەماڵەوە".











باسنيوز