بەهۆی پێکدادانی دوو ئۆتۆمبێلەوە لە گوندی سەرسیان لە سنووری شارۆچکەی بنگردی سەر بە قەزای دووکان هاونیشتمانییەکی خەڵکی شارۆچکەی حاجیاوا گیانی لەدەستدا.

خۆشناو حەسەن، گوتەبێژی بەڕێوەبەرایەتی هاتووچۆی راپەڕین راگەیاند: رووداوەکە ئێوارەی ئەمڕۆ روویداوە و ئەو کەسەی گیانی لەدەستداوە ناوی سەرباز عەبدوڵڵا رەزگەیی ـە و خەڵکی شارۆچکەی حاجیاوا یە.

بە گوتەی خۆشناو حەسەن، سەرباز عەبدوڵڵا خێزاندارە و باوکی کچێکە، دوای گەیاندنی بە نەخۆشخانە بەهۆی سەختی برینەکەیەوە گیانی لەدەستداوە.