حزبێکی سیاسیی سلێمانی دوای نزیکەی ساڵێک لە دامەزراندنی، مۆڵەتی کارکردنی لە وەزارەتی ناوخۆی حکوومەتی هەرێمی کوردستان وەرگرت.

شوان عوسمان، بەرپرسی تیمی گوتەبێژانی هاوپەیمانیی نیشتمانی ڕايگەیاند، ئەمڕۆ یەکشەممە 29-9-2019 وەزارەتی ناوخۆ مۆڵەتی فەرمیی پێداون بۆ کارکردن وەکو حزبێکی سیاسی، ئەمەش دوای ئەو هەموو گوشار و هەوڵدانەی چەند لایەنێک دێت بۆ کۆتاییهێنان و هەڵوەشانەوەی پرۆژەی هاوپەیمانی.

شوان عوسمان هەروەها رایگەیاند، دوای دەست لەکارکێشانەوەی بەرهەم ساڵحی سەرۆکی پێشووی هاوپەیمانی، ئەو حزبە کۆبوونەوەی گشتی ئەنجام دا و پاشگری دیموکراسی و دادپەروەری گۆڕی بۆ "نیشتمانیی" و ئارام قادری وەک سەرۆک هەڵبژارد.

ئەوبەرپرسەی هاوپەیمانی ئاماژەی بەوەش دا، وەرگرتنی مۆڵەت مافێکی یاسایی حزبەکەیەتی و لە ئێستاشەوە قۆناغێکی نوێی کاری هاوپەیمانی دەست پێ دەکات و هاوپەیمانی بەتەواوی خۆی بۆ ئەو قۆناغە نوێیە ئامادە کردووە.

هاوپەیمانیی نیشتمانی ئێستا حەوت دەڤەر و 11 دامەزراوە و سێ ئەنجومەن و دەستەیەکی ڕاوێژکاری هەیە و سەرقاڵی گفتوگۆیە لەگەڵ لایەنە سیاسیەکان بۆ بەشداریکردن لە هەڵبژاردنی ئەنجومەنی پارێزگاکانی عێراق.













باسنيوز