سەرۆك بارزانی لەگەڵ ئەندامانی فراكسیۆنی پارتی له پەرلەمانی كوردستان كۆبووهوه
ئەمڕۆ شەممە 28/9/2019 لە سەلاحەددین سەرۆك بارزانی لەگەڵ ئەندامانی فراكسیۆنی پارتی دیموكراتی كوردستان لە خولی چوارەمی پەرلەمانی كوردستان كۆبووهوه، لەو كۆبوونەوەیەدا سەرۆك بارزانی سوپاس و دەستخۆشی لە ئەرك و ماندووبوونی ئەندامانی فراكسیۆنی پارتی لە خولی چوارەمی پەرلەمان كرد، ههروهها تەئكیدی لەوە كردەوە كە فڕاكسیۆنی پارتی لە خولی پێشووی پەرلەمان لە بارودۆخێكی هەستیار و دژواری سیاسیدا كاری خۆیان بە باشی ئەنجام داوە و ماندووبوونیان جێگەی پێزانینە.
هەر لەو كۆبوونەوەیەدا، سەرۆك بارزانی ڕۆشنایی خستە سەر پڕۆسەی سیاسیی كوردستان و ویستی پارتی دیموكراتی كوردستان بۆ هەنگاونان بەرەو كوردستانێكی بەهێز شی كردەوە.
لە بەشێكی دیكەی ئەو دانیشتنەدا سەرۆك بارزانی بۆچوونی خۆی لەمەڕ گفتوگۆ و پەیوەندییەكانی نێوان هەولێر و بەغدا بۆ ئامادەبووان خستە ڕوو.
باسنيوز
