لەناو شەقامێکی کەرکووك، هێشتا پۆستەر و تابلۆی بانگشەی ڕیفراندۆم بە هەڵواسراوی ماونه‌ته‌وە، هەندێکیان به‌هۆی كاریگه‌ری كه‌ش و هه‌وا و تیشكی خۆر بەتەواوی کاڵ بونەتەوە و ڕەنگیان تێدانەماوە، بەڵام هێشتا لای خەڵکی شارەکە وێنەکان هەر ڕوونن زیاتر له‌ جاران پاڵپشتی پڕۆسه‌ی ڕێفراندۆمی سەربەخۆی کوردستان دەکەن.

هاووڵاتیانی كه‌ركووك له‌و رۆژه‌دا جه‌خت ده‌كه‌نه‌وه‌، ئه‌گه‌ر چه‌ندین جاری دیكه‌ش ریفراندۆم دووباره‌ بكرێته‌وه‌، ئه‌وان به‌ هه‌مان جۆش و خروشه‌وه‌ به‌شداری ده‌كه‌ن و له‌وه‌ په‌شیمان نین كه‌ له‌و پرۆسه‌یه‌دا ده‌نگی به‌ڵێیان داوه‌.

عەباس داوده‌، کوڕی هونەرمەندی کۆچ کردوو سەڵاح داودەیە و بە هونەرەکەی پاڵپشتی لە ڕیفراندۆم کردووە و ئێستاش لەناو ئەو شارە هەر ئاهەنگی بۆ دەگێڕێت.