لە بەیانیی ئەمڕۆوە، فڕۆکە جەنگییەکانی تورکیا، حەوت جار چەند گوندێکی سنووری قەزای ئامێدیان بۆردومان کردووە.

یەکێک لە گوندنشینەکان بە کوردستان24ی راگەیاند، بەهۆی بۆردومانەکان چەندین رەز و باخ سووتاون، بەڵام هیچ زیانێکی گیانیی نەبووە.

گوتیشی: "بۆردومانەکان دوای هاتنی ئۆتۆمبێلێکی گەریلاکانی پەکەکە دەستیان پێ کردووە و فڕۆکەکانیش، ئۆتۆمبێلەکەیان بۆردومان کردووە".

ئاماژەی بەوەش دا، داوا دەکەین گەریلاکانی پەکەکە خۆیان لە گوندەکەمان دوور بخەنەوە و پێشتریش ئەم داوایەمان کردووە. داواش لە تورکیا دەکەین، ماڵ و سامان و گیانی خەڵکی نەکەنە ئامانج، چونکە زیانی زۆر بە داهاتی خەڵکی ئەم ناوچەیە کەوتووە.


k24 -