ئەندامەكێ‌ جڤاتا پارێزگەها مووسل دیار كر زڤرینا خێزانیێن داعش ژ كەمپا هۆلی ل سوریا بۆ پارێزگەها مووسل دێ‌ مەترسیەكا جدی لسەر دەشتا نەینەوا و مووسل و شنگال دروست كەت.

خەلیل شەمۆ، ئەندامێ‌ جڤاتا پارێزگەها مووسل دیار كر: "ئەم وەكو جڤاتا مووسل ب هیچ شێوەیەكێ‌ رازی نینن بێ‌ رازیبوونا جڤاتی ئەو عەرەبێن سالا 2014ێ‌ بووینە داعش و هەڤكاری وپشتەڤانیا تیرۆرستێن داعش كرین چووینە وەلاتی سوریا نوكە جارەكا دێ‌ بزڤرنە ناڤ كەمپا جدعە ل حمام عەلیل و گەیارە چونكو هەكە وەسا ساناهیی ڤەگەرن دی بنە مەترسیەكا جدی ل سەر ژیانا خەلكێ‌ مووسل و دەشتا نەینەوا و شنگال چونكە دی دەست ب كریارێن خوە تیرۆری كەن دێ‌ رەوشی خرابتر لێ‌ كەن".

خۆیا ژی كر: "هەتا نوكە ئەم رازی نەبووینە ئەو عەرەب بووینە تیرۆرستێن داعش ژ وەلاتی سوریا بزڤرنە دەڤەرا مووسل ئەم رازی ژی نابن وداخوازی ژ حكومەتا عێراقی دكەین رێكی نەدەت هیچ كەسەكێ‌ بوویە داعش ریێا رەبیعە را بزڤرتە دەڤەری".










باسنيوز