لە سنووری كەركووك پارێزگای كەركووك، پۆلیسی فیدڕاڵی عێراق دەستیان بەسەر مۆڵگەیەكی داعشدا گرت كە بۆمبی چێندراو و كەرەستەی پزیشكی تێدابووە.



بەپێی راگەیاندنراوێكی پۆلیسی فیدڕاڵی عێراق كە وێنەیەكی نێردراوە و تێیدا هاتووە، بە پشتبەستن بە زانیاری ئەمنی، هێزێكی پۆلیسی فیدڕاڵی عێراق، ئەمڕۆ یەكشەممە 28/7/2019، لە سنووری شارەدێی ریازی سەر بە پارێزگای كەركووك مۆڵگەیەكی تیرۆریستانی داعشیان دۆزیەوە.



راگەیاندنراوەكە ئەوەشی خستووەتە ڕوو، لە نێو مۆڵگەكەدا دەست گیرا بەسەر دوو بۆمبی چێندراو كە لە دروستكراوی ناوخۆیە و كەرەستەی پزیشكی و خواردەمەنی وشكە.



ماوەیەكە جموجۆڵی تیرۆریستانی داعش لە سنووری پارێزگای كەركووك زۆربووە و تیرۆریستان كردەوەی توندزتیژی دژ بە هاووڵاتییان ئەنجام دەدەن.

bas news -