لەكاتی گەڕان بۆ دۆزینەوەی تەرمی دوو هاووڵاتی، لەلایەن تیمەكانی بەرگریی شارستانیی سۆران مینێكی دژە كەسیی سەردەمی بەعس دۆزرایەو ەو پووچەڵ كرایەوە.

عەمید عیماد كەنعان، بەڕێوبەری بەرگریی شارستانیی سۆران، رايگەیاند: "لە کاتی گەڕانی تیمەکانی بەرگریی شارستانی، بەدوای تەرمی دوو خنكاو بەناوەكانی (عبدالباست و فەرمان) كە چەند هەفتەیەكە خنكاون و تەرمەكانیان نادیارە، لە کەنار رووباری گەلی بەگ، لە نزیك كانی ماران (مین)ێكی دژە كەسیی، مەترسیدار و نەتەقاوە، لە جوری VS50 ئیتالی دۆزرایەوە، دەستبەجێ تیمەكانی دەزگای مینمان لێی ئاگادار كردەوە".

گوتیشی: "ئەمڕۆ یەكشەممە 28/7/2019 لەلایەن تیمی تایبەت بە هەڵگرتنەوەی مین و تەقەمەنییەكان، لە بەڕێوەبەرایەتیی گشتیی كاروباری مینی هەولێر، مینەکە بە شێوەیەكی سەركەوتوانە لە شوێنەكە هەڵگیرایە و دواتر پووچەڵ کرایەوە.









باسنيوز