گوتەبێژی بەڕێوەبەرایەتیی پۆلیسی هەولێر ڕای گەیاند، پیاوێك له‌ هه‌ولێر كوژرا.

ڕائید هۆگر عەزیز، گوتەبێژی بەڕێوەبەرایەتیی پۆلیسی هەولێر ڕايگەیاند: ”شەوی ڕابردوو ٢٧\٧\٢٠١٩ پیاوێكی تەمەن ٣٠ ساڵ لەكاتی یاريی كۆنكاندا لەلایەن هاوڕێیەكییەوە بە چەكی تاپڕ كوژراوە“.

ڕوونیشی كردەوە كە ڕووداوەكە لە كاتی گاڵتە و گەپی نێوان كوژراوەكە و دوو هاوڕێكەیدا كە لەدەرەوەی ماڵ بوونه‌ و بەهەڵە ڕووی داوە، گوتیشی: ”ئه‌و پیاوه‌ى كوژراوە، خێزاندارە و خاوەنی دوو منداڵە“.

گوتەبێژى بەڕێوەبەرایەتیی پۆلیسی هەولێر ئاماژەی بەوەش كرد: ”ئێستا هەردوو هاوڕێی كوژراوەكە دەستگیر كراون و لێكۆڵینەوەش لەسەر ڕووداوەكە بەردەوامی هەیە“.











باسنيوز