سەرۆکی حکوومەتی هەرێمی کوردستان پیرۆزبایی لە میر حازم بەگ، میری نوێی ئێزدییان دەکات.



بەبۆنەی هەڵبژاردنی وەک میری ئێزدییانی جیهان، ئەمڕۆ شەممە 27/7/2019، مەسرور بارزانی، سەرۆکی حکوومەتی هەرێمی کوردستان، لە پەیوەندییەکی تەلەفۆنیدا پیرۆزبایی لە میر حازم میر تەحسین بەگ کرد.



لە پەیوەندییەکەدا سەرۆکی حکوومەت هیوای سەرکەوتنی بۆ میری نوێی ئێزدییان خواست و ئاماژەی بەوە دا کە خوشک و برایانی ئێزدی، پێکهاتەیەکی رەسەنی نەتەوەی کورد و گەلی کوردستانن و حکوومەتی هەرێمی کوردستانیش پاڵپشت و یارمەتیدەریان دەبێت و وەک هەمیشە هەوڵدەدات خزمەتێکی شایستەتری خوشک و برا ئێزدییەکان بکات و لە ئێش و ئازارەکانیان کەم بکاتەوە.



لەلایەن خۆشیەوە میر حازم سوپاسی پشتیوانی و پشتگیریی سەرۆکی حکوومەتی هەرێمی کوردستانی کرد.








باسنیوز