ئەڤرۆ رێورەسمێن دانانا میرێ نوویێ ئێزدیان دھێت ئەنجامدان
بریكارێ میرێ ئێزدیان دیار كر ئەڤرۆ 27/7/2019 ل پەرستگەها لالش رێ و رەسمێن دانانا میر حازم تەحسین بەگ دهێنە گێران.
میر شێرزاد فارووق بەگ، وەكیلێ میرێ ئێزدیان دیار كر: "ل دەمژمێر دەهێ سپێدێ ئامادەبوونا دام ودەزگەهێن حكومی و جەماوەری وریه سپی و كەسایەتیێن ئاینی و ئۆلدارێن ئێزدیان دێ دەست ب رێ ورەسمێن دانانا میر حازم تەحسین بەگ هێتە كرن ودناڤ رێ و رەسمان دا دێ ناڤێن وەكیلێ میرێ نوو یێ ئێزدیان ژی هێنە راگەهاندن. ئەڤرۆ وپێڤە ب شێوەیەكی فەرمی حازم تەحسین بەگ دێ بۆ میراتیا ئێزدیان دەستبكاربیت".
خویا ژی كر: "هەر ئێك ژ میر هەرمان میرزاد بەگ و میر كامیران خەیری بەگ و میر شێرزاد فارووق بەگ دێ بنە بریكارێن میری بۆ كارۆبارێن ئاینی و كارۆبارین جڤاكێ و گەنجان و قوتابیان".
میر تەحسین سەعید بەگ دژیێ 86 سالیێ دا ل نەخۆشخانەكا وەلاتێ ئەلمانیا وەغەرا دووماهیی كر ل رۆژا 28 كانوونا دوویی سالا 2019 ب ریێا فرۆكەكا تایبەت تەرمێ وی بۆ فرۆكخانەیا هەولێر یا نێڤدەولەتی هاتە ڤەگوهاستن وژلایێ نێچێرڤان بارزانی و سەركرداتیا سیاسی كوردستانێ ڤە هاتە پێشوازیكرن و تەرمێ وی بۆ قەزا شێخان هاتە ڤەگوهاستن دناڤ حەوشا مالا وی ل شێخان هاتە ڤەشارتن.
باسنيوز
