گوتەبێژی بەڕێوەبەرایەتیی پۆلیسی سۆران ڕای دەگەیەنێت، لە شارەدێی (خەلیفان)ی سنووری شاری سۆران، کچێک لەلایەن براکەیەوە کوژرا.

ڕائید سەعدوون ھاودیانی، گوتەبێژی پۆلیسی سۆران ڕاگەیاند: ”کاتژمێر 12 و 5 خولەکی نیوەشەوی ڕابردوو لە شارەدێی خەلیفان، کچێک بەناوی (س، س، ع) کە لەدایکبووی ساڵی 2002ە، لەلایەن براکەیەوە بە چەکی کڵاشینکۆف کوژرا“.

دەشڵێت: ”گوتەی باوکی کوژراوەکە وەرگیراوە و باسی لەوە کردووە کە کچەکەی لەلایەن براکەیەوە بە چەکی کڵاشینکۆف کوژراوە“.

گوتەبێژی پۆلیسی سۆران ئەوەشی خستە ڕوو، ئێستا تۆمەتبارەکە ھەڵھاتووە و دۆسیەی لێکۆڵینەوەی بۆ کراوەتەوە و بەدواداچوونی جدی لەسەر ڕووداوەکە دەستی پێ کردووە.






باسنیوز