وەزیری نوێی دادی حکوومەتی هەرێمی کوردستان یەکەم فەرمانی وزاری بۆ فەرمانبەرانی وەزارەتەکەی، دەرکرد.

بەپێی نووسراوی فەرمانەکە، پێویستە هەموو فەرمانبەرانی وەزارەتی داد بە هەموو بەڕێوەبەرایەتییەکانییەوە، لە کاتژمێر 8ـی سەرلەبەیانی تا کاتژمێر 3ـی ئێوارە، دەوامی خۆیان بکەن.

لە نووسراوەکەدا، کە واژۆی فرسەت ئەحمەد، وەزیری دادی لەسەرە، هۆشداریی دراوەتە فەرمانبەرانی وەزارەتەکە، کە ئەگەر لەو ماوەیە دەوام نەکەن یاخود پابەندی کاتی دەوام نەبن، ئەوا ”رووبەڕووی لێپرسینەوەی یاسایی“ دەبنەوە.

رۆژی چوارشەممە 10-7-2019، پەرلەمانی کوردستان لە کۆبوونەوەیەکدا، متمانەی بە مەسرور بارزانی وەک سەرۆکی کابینەی نۆیەمی حکوومەتی هەرێمی کوردستان و وەزیرانی کابینەکەی بەخشی.











باسنيوز