ب رێیا توركیا زارۆكێ رەڤاندی یێ ئێزدی گەهشتە هەرێما كوردستانێ
حسێن قائێدی، رێڤەبەرێ نڤیسینگەها رزگاركرنا رەڤاندیێن ئێزدی ل دهۆكێ دیار كر: "زارۆكەكێ ئێزدی ب ناڤی (هەوكار فەلاح حەسەن) خەلكێ تل قەسەب ل كارەساتا شنگال هاتبوو رەڤاندن ژلایێ تیرۆرستێن داعش ڤە پشتی لێگەریان و دوڤچوونێ ل ئەدلبا وەلاتێ سوریا ئەڤ زارۆك هاتە دیتن پشتی كار لسەر هاتیە كرن مە شیا ب رێیا خێرخوازان ببەینە توركیا ب وێدەرب رێكا فرۆكخانەیا بۆ هەرێما كوردستانێ هاتە رەوانەكرن. ئەڤرۆ 18/7/2019 گەهشتە ناڤ كەس و كارێن خوە ل پارێزگەها دهۆكێ".
خویا ژی كر: "ئەڤ زارۆكێ ئێزدی دژیێ 11 سالیێ دا هاتە رزگاركرن هەتا نۆكە چەندین كەس ژ مالا وی رزگاربووینە لێ هێشتا باب و باپیر و برایەك دگەل هندەك دی ژ كەس و كارێن وی دیارنینن. ئەم هەولێن بەردەوامداینە بۆ رزگاركرنا هەموو رەڤاندییان".
باسنيوز
