لە ئاكامی تەقینەوەی دوو بۆمبی چێندراو حەوت کەس لە شارەدێی جەلەولای سەر بە قەزای خانەقین لە پاریزگای دیالە بریندار بوون.



یەعقووب یووسف، بەڕێوەبەری شارەدێی جەلەولا، راگەیاند، کاتژمێر 12ی شەوی ڕابردوو لەناو جەرگەی شارەدێی جەلەولا دوو بۆمبی چێندراو تەقیونەتەوە.



گوتیشی: "بەو هۆی ئەو دوو تەقینەوەوە حەوت هاووڵاتی و هێزە ئەمنییەكان بریندار بوون، چونكە بۆمبەكان بە ئۆتۆمبیلی هاووڵاتییان و سەربازیدا تەقیبوونەوە."



بەڕێوەبەری شارەدێی جەلەولا باسی لەوەش كرد بریندارەكان بۆ چارەسەری بۆ ناوەندە دەرمانییەکان گواستراونەتەوە و لێكۆڵینەوە لە رووداوەكەش بەردەوامە.










باسنيووز