بەڕێوەبەرایەتیی شارەوانیی چواری ھەولێر، ئاگادارییەکی لەبارەی داخستنی بەشێکی دیکەی شەقامی 100 مەتریی ھەولێر بڵاو کردەوە.

بەڕێوەبەرایەتیی شارەوانیی چواری ھەولێر لە ئاگادارییەکدا ، ئاماژە بەوە دراوە، کاتژمێر 1ی نیوەڕۆی ئەمڕۆ سێشەممە 16/7/2019، بەشێکی دیکەی شەقامی 100 مەتری لە مزگەوتی (خدیجە الکبری) تا بەنزینخانەی ئاکار بەمەبەستی نۆژەنکردنەوە دادەخرێت.

ماوەیەکە شارەوانیی ھەولێر شەقامە سەرەکییەکانی ھەولێر بەش بەش نۆژەن دەکاتەوە و قیڕتاو دەکاتەوە، دوایین بەشی 100 مەتریش کە نۆژەن کرایەوە، لەپێش مزگەوتی (خدیجە الکبری) تا نەخۆشخانەی ڕزگاری بوو.