فەلاح حەسەن ئەو گەنجە کوردەی کە جێگری یەکەمی سەرۆکی لاوانی سیاسیی ئەورووپایە و ھاوکات نوێنەری دەرەوەی لاوانی پارتی دیموکراتی کوردستانیشە، بە سەرۆکایەتیی شاندێکی لاوانی سیاسی ئەورووپا چەند دیدارێکی فەرمی لە مۆسکۆ ئەنجام داوە و ئەمجارەش بە فەرمی لەگەڵ ئەلێکسی شاپۆشنیکۆڤ سەرۆکی شارەوانیی مۆسکۆی پایتەختی ڕووسیای فیدڕال کۆ بووەتەوە.

فەلاح حەسەن، لەمبارەوە رايگەیاند: "من وەکوو کوردێک فەخرمەند بووم کە بە ئاڵای کوردستانەوە سەرۆکایەتیی شاندێکی لاوانی سیاسیی ئەورووپام دەکرد و داوای ئەوەشم لە سەرۆکی شارەوانیی مۆسکۆ کرد کە لەگەڵ پارێزگا و شارەوانیی ھەولێری پایتەختی ھەرێمی کوردستان پەیوەندییان ھەبێت و ھەماھەنگییەک لە نێوانیاندا دروست بێت".

فەلاح حەسەن گوتیشی: "سەرۆکی شارەوانیی مۆسکۆ گفتی پێمان داوە کە ئامادەیە پێشوازی لە شاندی ھەولێری پایتەخت بکات و دەرگاکانیان بۆ دۆستایەتی و ھەماھەنگی کراوەن کە ئەمەش سەرەتایەکی باشە بۆ پتەوکردنی دۆستایەتییەکان، چونکە شاری مۆسکۆ یەکێکە لە ھەرە گرنگ و بەھێزترینی پایتەختەکانی جیھان".










باسنيوز