له دهۆك لاوێكی 20 ساڵی لەناو ئاودا خنكاو
بەرپرسێ راگەهاندنێ ل رێڤەبەریا بەرەڤانیا باژێری پارێزگەها دهۆكێ دیاركر:دوھی 14/77/2019 ل هاڤینگەها گەلیێ شێرانە كەسەكێ 20 سالی دناڤ ئاڤێدا خەندقی.
بێوار عەبدولعەزیز، بەرپرسێ راگەهاندنێ ل رێڤەبەریا بەرەڤانیا باژێری پارێزگەها دهۆكێ : "كەسەك بناڤێ ( مستەفا فەوزی ئەحمەد) دژیێ 20 سالی دا كەفتە دناڤ ئاڤێدا ل هاڤینگەها گەلیێ شێرانە ل دەڤەرا دێرەلوك، دەملدەست خەندقی وتەرمێ وی هاتە دەرئێخستن ژ ناڤ ئاڤێ و بۆ نۆشداریا داد هاتە رەوانەكرن. هەروەسا ژی تەرمی كەسەكی دی ل كۆمەلگەها پێشابیر سەر ئاڤا خابیری هاتە دیتن وەسا هاتە زانین ئەو تەرم یی كەسەكی خەلكێ باكورێ كوردستانێ یە".
خویا ژی كر: "ئەڤ سالە ئەڤە بوونە 15 روودانێن خەندقینا وەلاتیان. هەتا نۆكە تەرمێ سێ كەسێن خەندقی نەهاتیە دیتن وتیمێن بەرەڤانیا باژێری بەردەوام دوڤچوون و لێگەریانێ ل سەر تەرمێ هەر سێ كەسێن خەندقی دكەن".
باسنیوز
