نوری مالیكی، ئه‌مینداری گشتی حزبی ده‌عوه‌ی ئیسلامی له‌ عێراق، سوپاسی ئه‌و په‌یامه‌ی پیرۆزبایی مه‌سرور بارزانی ده‌كات، كه‌ ئه‌مڕۆ به‌بۆنه‌ی کۆتایی هاتنی کۆنگرەی حزبی دەعوە و دووبارە هەڵبژاردنەوەی نوری ماليکی بۆ پۆستی ئەمینداری گشتی حزبەکە ئاراسته‌ی مالكی و حزبه‌كه‌ی كردبوو.

ده‌قی سوپاسنامه‌ی نوری مالكی بۆ مه‌سرور بارزانی، سه‌رۆكی حكوومه‌تی هه‌رێمی كوردستان:

بەناوی خوای گەورە و میهرەبان

رێزدار مەسرور بارزانی سەرۆکی حکوومەتی هەرێمی کوردستان

سڵاوێکی گەرم

بەوپەڕی رێز و دڵخۆشییەوە بروسکەی پیرۆزبایی ئێوەمان پێگەیشت، بە بۆنەی گرێدانی کۆنگرەی حەڤدەهەمی حزبی دەعوەی ئیسلامی و دووبارە هەڵبژاردنەوەم بە ئەمینداری گشتی، بە ڕێزەوە سوپاسی دەربڕینی هەستە باشه‌كانتان دەکەین، کە لە ناوەڕۆکی پەیامەکەتان هاتبوو.

حزبی دەعوەی ئیسلامی تا ئەوپەڕی پێداگیرە له سەر ھەبوونی پەیوەندی بەهێز و رەسەن لەگەڵ هێزە نیشتمانییەکان، هەوڵیش بۆ چەسپاندنی ئەو کەشە ئەرێنییە دەدەین، تا رەنگدانەوەی ئیجابی هەبێت لەسەر پەیوەندییەکانی هەولێر و بەغدا.

رێز و سووپاسمان دووبارەدەکەینەوە بۆ پیرۆزبایینامەکەتان، هەر لە خۆشیدابن

نوری مالیکی, ئەمینداری گشتی حزبی دەعوەی ئیسلامی و سەرۆکی هاوپەیمانی دەوڵەتی یاسا.\


k24 -