شاندێكی یەكێتیی لاوانی دیموكراتی كوردستان، بە سەردانێكی فەرمی لە ئەورووپان بۆ دروستكردنی هەماهەنگیی زیاتر لە نێوان لاوانی كوردستان و جیهاندا.



مەیسەر نهێلی، سكرتێری یەكێتیی لاوانی دیموكراتی كوردستان و سەرۆكی شاندەكە، ڕاگەیاند: "ئێمە ماوەی هەفتەیەكە لەسەر داوای چەندین رێكخراوی جیهانی و ئەورووپی، بە سەردانێكی فەرمی لە ئەورووپاین و مەبەست لە سەردانەكەشمان زیاتر دروستكردنی هەماهەنگییە لە نێوان لاوانی كوردستان و لاوانی ئەورووپا و جیهان بە گشتی".



سكرتێری یەكێتیی لاوانی دیموكراتی كوردستان گوتیشی: "لە میانەی دیدار و كۆبوونەوەكانمان، لەگەڵ نوێنەرانی حزبی (CDU)ی ئەڵمانی دانیشتمان ئەنجام داوە و پێشوازییەكی باش كرا و بەڵێنیان دا كە بەشداری بە لاوانی كوردستان بكەن لە پانێل و ئیڤێنتەكان، كە لە لایەن ئەوانەوە ڕێك دەخرێن، هەروەها لەگەڵ دۆستی گەلی كورد (دانیاڵ ڤاڵتەر) دیدارێكمان هەبووە و ئەویش بەڵێنی پێ داوین لە ئایندەیەكی نزیكدا سەپۆرتی پڕۆژەكانمان بكەن لە كوردستان".



نهێلی راشیگەیاند: "هەر لەو سەردانەدا، كۆبوونەوەیەكمان لەگەڵ رێكخراوی (JU) جیۆی ئەڵمانی هەبووە و لەلایەن ئەوانەوە مانگی ۱۰ی ئەمساڵ بانگهێشتی گەورەترین كۆنفڕانسی لاوانی ئەڵمانیی جیهانی كراوین و لەو كۆنفڕانسەشدا یەكێتیی لاوانی دیموكراتی كوردستان شوێنی تایبەتی خۆمان دەبێت، كە ئەمانە گشتیان دەبنە هۆكارێك كە دەرگای زیاتر بە رووی لاوانی كورستاندا بكرێنەوە".



kdp -