بەڕێوەبەری دابەشكردنی كارەبای سۆران ئاشكرای دەكات، لە سنوورەكەمان 72 هەزار هاوبەشی كاربای نیشتمانی هەیە و زیاتر لە 66 ملیار دینار قەرزیان لەسەرە.

فەیسەڵ حوسێن، بەڕێوەبەری دابەشكردنی كارەبای سۆران، رايگەیاند: "لە سنوری بەڕێوەبەرایەتی دابەشكردنی كارەبای سۆران، کە هەر چوار قەزاكانی (سۆران، رواندز، مێرگەسۆر و چۆمان) لەخۆ دەگرێت، كۆی گشتی بریتییە لە 72 هەزار هاوبەشی كارەبا، كە بە شێوەیەگی گشتی دابەش دەبن بەسەر پێنج پۆل، واتە هاوبەشانی هاووڵاتی و گشتی زیاتر 66 ملیار دینار قەرزداری پارەی كارەبای نیشتیمانین، بۆ ئەوەی قەرزی سەر هاووڵاتییان سووك بكەین لە گەڕاندنەوەی ئەم قەرزەی لەسەریانە، كردوومانەتە قست بۆیان".

گوتیشی: "بۆ بنبڕكردنی ئەم زێدۆڕۆییانەی كراونەتە سەر كارەبای نیشتیمانی، ئێستا لە شاری هەولێر دەست كراوە بە دانانی پێوەری زیرەك و دوای ئەوەش لە سنوورەكەی ئێمە دەست بە دانانی ئەم پێوەرانە دەكرێت".











باسنيوز