ئەمڕۆ شەممە نێچیرڤان بارزانی سەرۆكی هەرێمی كوردستان پەیامێكی پیرۆزبایی ئاراستەی گەلی عێراق كرد بە بۆنەی ڕیزبەندكردنی بابل وەك یەكێك لە شوێنەوارە جیهانییەكان لەلایەن یونسكۆوە.


نێچیرڤان بارزانی لە هەژماری خۆیدا لە تۆڕی كۆمەڵایەتیی (فەیسبووك) نووسیویەتی ڕیزبەندكردنی بابل وەك یەكێك لە شوێنەوارە جیهانییەكان لەلایەن یونسكۆوە، سەلمێنەری رەسەنایەتی شوێنەوار و قووڵایی مێژوویی ئەو خاكەیە، بەم بۆنەیەوە پیرۆزبایی لە گەلی عێراق دەكەین.


جێی باسە ڕێكخراوی نەتەوە یەكگرتووەكان بۆ ڕۆشنبیری و زانست (یونسكۆ)، رایگەیاند كە شاری بابلی عێراقی خستووەتە نێو ڕیزبەندی شوێنەوارە جیهانییەكان.


لەوەتەی ساڵی 1983وە، حكوومەتەكانی عێراق هەڵمەت و بانگەشەی نێودەوڵەتیان دەستپێكردووە تاكو شاری بابل وەك یەكێك لە شوێنەوارە جیهانییەكان لەلایەن یونكسۆوە دانی پێدا بندرێت.

bas news -