بەڕێوەبەری کۆچ و کۆچبەرانی عێراق لە پارێزگای دهۆک ڕایگەیاند، بەڕێوەبەرایەتییەکەیان ٢ ملیۆن وەک هاوکاری دەداتە نزیکەی ٩٠٠ ڕزگاربووی دەستی داعش.

ئەسکەندەر محەمەد ئەمین، لە کۆنگرەیەکی ڕۆژنامەوانیدا ڕایگەیاند: "لە پلاندایە هەموو ڕزگاربووانی دەستی داعش هاوکاریی ئەوها وەرگرن."

لەوبارەیەوە، حسێن قائیدی، بەرپرسی نووسینگەی ڕزگارکردنی ڕفێنراوانی کوردی ئێزدی لە پارێزگای دهۆک ڕایگەیاند: "پێش ساڵیک ئێمە ئەو پرۆژەیەمان پێشنیار کردبوو بۆ قەرەبووکردنەوەی ئەو ڕزگاربووانە، خۆشبەختانە ٨٩٩ کەس وەردەگرن، کە ١٢ کەسیان منداڵن."

نوێنەری وەزارەتی کۆچ و کۆچبەرانی عێراق گوتیشی: "ئەم هاوکارییانە بەردەوام دەبن و قۆناغ بە قۆناغ ڕزگاربووەکان قەرەبوو دەکرێنەوە."


kdp -