بەشێک لە بازرگانانی ئۆتۆمبێل داوای پێداچوونەوە لەبارەی بڕیارێکی وەزارەتی ناوخۆی حکوومەتی هەرێمی کوردستان سەبارەت بە قەدەغەکردنی هێنانی ئوتۆمبێلی (لێدراو، چاککراو، ژێر ئاوکەوتوو) دەکەن.

لە کۆنووسێکدا کە بەشێک لە بازرگانەکانی ئۆتۆمبێل واژۆیان کردووە کۆپییەکی ، تێیدا ئاماژە بەوەدەکەن کە ئۆتۆمبێلێکی زۆریان لە وڵاتی ئەمریکا کڕیوە و هێشتا نەگەیشتووەتە ھەرێمی کوردستان، ئەمەش زەرەر و زیانێکی زۆری پێ گەیاندوون.

ئەو بازرگانانە ئەوەشیان خستووەتە ڕوو، وادەی 2 مانگیان دانابوو بۆ ھێنانەوەی ئۆتۆمبێلەکانمان، کە لە 1/5/2019 تا 1/7/2019 بوو، بڕیارەکەیان دیراسەکراو و دەقیق نەبوو، لە ئەنجامی ئەم بڕیارە بێ دیراسەیە، ئێستا زەرەرو زیانێکی زۆرمان پێگەیشتووە و دووچاری کێشەی کۆمەڵایەتی زۆر بووینەتەوە، چونکە بەھیچ شێوەیەک ئۆتۆمبێل بە 2 مانگ ناگاتەوە ھەرێمی کوردستان، بەڵکو زیاتر لە 4 مانگی پێویستە.

پێشتر وەزارەتی ناوخۆی حکوومەتی هەرێمی کوردستان بۆ بەرژەوەندی گشتی بڕیاریدا لە بەرواری 1/7/2019ـەوە چیتر رێگە بە هێنانی ئۆتۆمبێلی (لێدراو، چاککراو، ژێر ئاوکەوتوو) نەدرێت.