لە سەنتەری قەزای بەردەرەش بەھۆی شۆرتی کارەباوە، بەشە ناوخۆی سێی قوتابییان ئاگری گرت.

موقەدەم فیراس یاسین ئاکرەیی، بەرپرسی ڕاگەیاندنی بەرگریی شارستانی لە ئاکرێ و بەردەرەش، ڕايگەیاند: "ئەمڕۆ پێنجشەممە 22/11/2018، ئاگادار کراینەوە بە بوونی ڕووداوێکی ئاگر دوای گەیشتنی تیمەکان توانییان لە ماوەیەکی کەمدا نیوەی بەشەکە لە سووتان بپارێزن، نیوەکەی دیکەش سووتا".

گوتیشی: "بەھۆی شۆرتی کارەباوە بەشە ناوخۆی قوتابییانی بەردەرەش لە سەنتەری شارەکە سووتاوە، بەڵام ھیچ زیانی گیانی نەبوو و تەنیا زیان بەر کەلوپەلەکانی ناو بەشەکە کەوتووە، تیمەکانیشمان سەرقاڵی ڕاپۆرتی کۆتایین لەبارەی ڕووداوەکەوە".









باسنيوز