ڕاوێژکارێکی ئەنجومەنی وەزیران ئاشکرای کرد، لە دانیشتنەکەی ڕۆژی پێنجشەممە 29\9\2016ی ئەنجومەنی وەزیرانی هەرێمی کوردستاندا، پرسی مووچەی فەرمانبەران و مامۆستایان تاوتوێ دەکرێت.

ئەحمەد عوسمان، ڕاوێژکاری ئەنجومەنی وەزیرانی هەرێمی کوردستان ڕاگەیاند: “لە کۆبوونەوەی سبەی ئەنجومەنی وەزیران، باس لە پرسی مووچەی فەرمانبەران و مامۆستایان دەکرێت، چەند پێشنیارێکیش لەو بارەوە لەناو ئەنجومەنی وەزیران دەخرێتە ڕوو.

هاوکات سەرچاوەیەکی ئاگادار ڕاگەیاند: “لە کۆبوونەوەکەدا پێشنیازێکی لێژنەی باڵای ڕووبەڕووبونەوەی قەیرانی دارایی دەکرێت بۆ هەڵگرتنی پاشەکەوت لەسەر ئەو فەرمانبەرانەی کە مووچەکانیان 395 هەزار دینار کەمترە”. گوتیشی: “هەر لەو کۆبوونەوەیەدا، بڕیار لەسەر دابەشکردنی مووچەی مانگی 8ی فەرمانبەران دەدرێت”.






باسنيوز