سەرۆکی هەرێمی کوردستان، پێشوازی لە نێردەی تایبەتیی سکرتێری گشتیی نەتەوە یەکگرتووەکان لە عێراق کرد.



بەپێی ڕاگەیاندراوێکی سەرۆکایەتیی هەرێمی کوردستان ، لە میانی دیدارەکەدا، یان کۆبیچ، بارزانی لە ئەنجام و ناوەڕۆکی كۆبوونەوەكانی (نیویۆرك) پەیوەست بە شەڕی داعش لە عێراق و سووریا و سەردانی شاندی هاوبەشی عێراق و هەرێمی کوردستان بۆ ئەمەریكا ئاگادار كردەوە.



هەروەها پشتیوانیی ڕێكخراوی نەتەوە یەكگرتووەكانی بۆ تێبینی و پێشنیارەكانی بارزانی بۆ قۆناغی دوای داعش و ڕێگری لە دروستبوونی گرفتەكان ڕاگەیاند. جگە لەوەی خۆشحاڵیی خۆی نیشان دا بە هەماهەنگیی سەرۆك بارزانی و سەرۆك وەزیرانی عێراقی و ئەو هەماهەنگییەی بە گرنگ وەسف كرد کە لە ڕووبەڕووبوونەوەی تیرۆر و چارەكردنی كێشەكان.



هەر لەم كۆبوونەوەیەدا، بیروڕا لەبارەی بارودۆخی سیاسیی ناوچەكە و عێراق و ئامادەكارییەكان بۆ ئازادكردنی مووسڵ و قۆناغی دوای داعش ئاڵوگۆڕ كرا.





باسنیوز