ئێستا له‌ ناوه‌ڕاستی شاری هه‌ڵه‌بجه‌ ژماره‌یه‌ك گه‌نج خۆپێشاندانێكیان سازكردووه‌ و شه‌قامێكی سه‌ره‌كی شاره‌كه‌یان گرتووه‌.



په‌یامنێری (باسنیوز) له‌ شاری هه‌ڵه‌بجه‌ ڕایگه‌یاند كه‌ كه‌مێك پێش ئێستا ژماره‌یه‌ك گه‌نج خۆپێشاندانێكیان له‌ سه‌ر شه‌قامی سه‌ره‌كی هه‌ڵه‌بجه‌ - سلێمانی و له‌ نزیك لقی 12 ی پارتی دیموكراتی كوردستان له‌ هه‌ڵه‌بجه‌ سازكرد و دواتر هێزه‌ ئه‌منییه‌كان به‌مه‌به‌ستی بڵاوه‌پێكردنیان گه‌شتنه‌ شوێنی خۆپێشاندانه‌كه‌.



ئاماژه‌ی بۆ ئه‌وه‌ش كرد كه‌ خۆپێشانده‌ره‌كان له‌ڕێگه‌ی سووتاندنی تایه‌ی ئۆتۆمبێله‌وه‌ ئاگریان له‌و شه‌قامه‌ سه‌ره‌كییه‌ كردۆته‌وه‌ و به‌پێی گوته‌ی خۆپێشانده‌ره‌كانیش هێزه‌ ئه‌منییه‌كان به‌مه‌به‌ستی بڵاوه‌پێكردنیان ته‌قه‌یان كردووه‌.

Bas News-