هێزەکانی سەر بە عەسائیبی ئەهلی حەق کە گرووپێکی سەر بە حەشدی شەعبین، لە شارۆچکەی خورماتوو دەرکران.

فارووق ئەحمەد، بەڕێوەبەری ئاسایشی خورماتوو راگەیاند : هێزێک لە بەغداوە هاتووەتە ناو شارۆچکەی خورماتوو و دوو سەرکردەی عەسائیبی ئەهلی حەقی دەستگیرکردووە و، بارەگاکانیشیان پێ داخستوون، هەروەها هێزەکانیشیان دەرکردوون بۆ دەرەوەی سەنتەری شار".

بەڕێوەبەری ئاسایشی خورماتوو هەروەها گوتی" دەرکردنی ئەو هێزەی سەر بە حەشدی شەعبی بەهۆی کێشەی ناوخۆیی و پابەندنەبوونیان بووە بە رێککەوتنەکانی ناوچەکە".

عەسائیبی ئەهلی حەق گرووپێکی سەر بە حەشدی شەعبییە و دوو بارەگای لە سەنتەری شارۆچکەی خورماتوو هەبوو.








رووداو