نرخی نه‌وت له‌ به‌رزبوونه‌وه‌ به‌رده‌وامه‌ و كه‌مێك به‌ر له‌ ئێستاش نرخی یه‌ك به‌رمیل نه‌وتی برێنت، گه‌یشته‌ 50 دۆلار و 24 سه‌نت، ئه‌مه‌ش به‌رزترین نرخه‌ له‌ماوه‌ی شه‌ش هه‌فته‌ی رابردوو.

به‌رزبوونه‌وه‌ی نرخی نه‌وت، له‌ژێر كاریگه‌ری ئاماده‌كاری وڵاتانی به‌رهه‌مهێنی نه‌وت و ئه‌ندامانی‌ رێكخراوی ئۆپێكه‌، كه‌ سه‌رقاڵی ئه‌نجامدانی كۆبوونه‌وه‌یه‌كن، بۆ رێكخستنه‌وه‌ی نرخی نه‌وت و هاوسه‌نگكردنی بازاڕی نه‌وت جیهان.

به‌هۆی دابه‌زینی نرخی نه‌وت، زۆرینه‌ی وڵاتانی ئه‌ندام له‌ رێكخراوی ئۆپێك، دووچاری قه‌یرانی دارایی بوونه‌ و به‌هۆیه‌وه‌ باری نائاسایی داراییان له‌ وڵاته‌كانییان راگه‌یاندووه‌.