پاش ئه‌وه‌ی له‌ چه‌ند ماڵپه‌ڕ و ڕۆژنامه‌یه‌كی ناوخۆیی عێراقی و ده‌ره‌وه‌ هه‌واڵی سوتاندنی 19 كچ و ژنی ئیزدی له‌لایه‌ن داعشه‌وه‌ بڵاوكرایه‌وه‌، له‌وباره‌یه‌و ه‌ " خه‌یری بوزانی " به‌ڕێوه‌به‌ری كاروباری ئێزدییه‌كان له‌ حكومه‌تی هه‌رێمی كوردستان ڕایگه‌یاند" تا ئێستا هیچ زانیارییه‌كی پشتڕاستكراویان له‌باره‌ی ڕووداوی سوتاندنی ئه‌و 19 كچ و ژنه‌ ئیزدییه‌ پێنه‌گه‌شتووه‌ و ئه‌وانیش ته‌نها له‌ ڕێگه‌ی ئه‌و ڕاگه‌یاندنانه‌وه‌ هه‌واڵه‌كه‌یان بیستووه‌‌.

ناوبراو هه‌روه‌ها گوتی به‌ دواداچوونمان بۆ ڕاستی و دروستی ڕووداوه‌كه‌ كردووه‌، به‌ڵام هێشتا نه‌گه‌شتوینه‌ته‌ هیچ ده‌ره‌نجامێك.

ژماره‌یه‌ك میدیای ناوخۆیی و بیانی له‌ سه‌رچاوه‌یه‌كه‌وه‌ هه‌واڵی سوتاندنی 19 ژن و كچی ئێزدییان له‌ موسڵ بڵاوكرده‌وه‌ و به‌پێی سه‌رچاوه‌ی ئه‌و ڕاگه‌یاندنانه‌ بێت، چه‌كدارانی داعش هه‌ستاوون به‌ سوتاندنی ئه‌و 19 ژن و كچه‌ ئێزدییه‌ دوای ئه‌وه‌ی ڕازیی نه‌بوون وه‌ك كه‌نیزه‌ك مامه‌ڵه‌یان له‌گه‌ڵ بكرێت.

له‌باره‌ی شێوازی سوتاندنه‌كه‌شیان باس له‌وه‌ ده‌كه‌ن كه‌ به‌هه‌مان ئه‌و ڕێگه‌یه‌ی كه‌ساسبه‌ ی فڕۆكه‌وانی ئوردنی سوتێنێرا، ئه‌وانیشیان له‌ نێو به‌رمیل و قه‌فه‌سی ئاسنین كردووه‌ و له‌لایه‌ن 6 چه‌كداری داعشه‌وه‌ به‌نزینیان پێداكراوه‌ و سوتێنراوون.

به‌ڵام تا ئێستا به‌ ته‌واوی ئه‌و هه‌واڵانه‌ی له‌وباره‌وه‌ بڵاوده‌كرێنه‌وه‌ پشتڕاست نه‌كراونه‌ته‌وه‌.



k24