فەرماندەی گشتیی هێزی پێشمەرگەی کوردستان لە میحوەری باشیک ئاماژە بەوە دەکات، سەرۆکی هەرێمی کوردستان زۆر بە وریاییەوە مامەڵە لەگەڵ هێرشی هێزی پێشمەرگەی کوردستان دەکات و ڕێنمایی تازەی پێداون کە چۆن پلانی سەربازیی خۆیان بگۆڕن.

حەمید ئەفەندی، بەرپرسی میحوەری باشیک، ڕاگەیاند: “سنووری نێوان پێشمەرگە و داعش ئەوەندە نزیک بووەتەوە کە لە هەندێک شوێندا، تەنیا نیو کیلۆمەترە، لە میحوەری خازریش ئێستا پێشمەرگە و داعش نێوانیان کەمە، بەڵام ئێستا پلانی هێرش و نەخشەی سەربازی گۆڕاوە”. گوتیشی: "ئەوەی کراوە، بە لای پێشمەرگەوە کەمە و پێشمەرگە توانای زیاتریشی هەیە”.

ئەو فەرماندەیەی پێشمەرگە ئەوەشی ئاشکرا کرد، مەسعود بارزانی، سەرۆکی هەرێمی کوردستان و فەرماندەی گشتیی پێشمەرگە، داوای کردووە، زۆر بەوریاییەوە پێشمەرگە هێرش بکات، بۆ ئەوەی زۆرترین بە کەمترین زیان ناوچەی ئازاد بکرێتەوە. گوتیشی: “بارزانی پێی خۆشە پێشمەرگە بە وردی هێرش بکات و لە داهاتووشدا پێشمەرگە لەم سنوورەی ئێستای نابێت”.

ڕۆژی یەکشەممە 29\5\2016، هێزی پێشمەرگەی کوردستان بە پاڵپشتیی فڕۆکە جەنگییەکانی هاوپەیمانان، هێرشێکی بەرفراوانیان لە میحوەری خازر کردە سەر مۆڵگەکانی چەکدارانی داعش و توانییان زیاتر لە 10 گوندی کوردانی کاکەیی و شەبەک و کریستیانەکان، لە داعش پاک بکەنەوە.








باسنیوز