فەرماندەیەكی هێزی پێشمەرگە لە میحوەری بادۆش دەڵێ، هێزەكانی پێشمەرگە، هێرشێكی تیرۆریستانی داعشیان تێك شكاند و، وێڕای زیانێكی زۆر، سێ هەمەریشیان تەقێنرانەوە‌.

لیوا (بەهجەت تەیمەس) ئەندامی فەرماندەیی پێشمەرگەی زێرەڤانی، بە ماڵپەڕی فەرمیی پارتیی دیموكراتی كوردستانی گوت: "كەمێك لەمەوبەر، تیرۆرستانی داعش هێرشیان كردە سەر سەنگەرەكانی هێزی پێشمەرگە لە میحوەری بادۆش، بەڵام هەر زوو لەلایەن هێزەكانی پێشمەرگەوە وەڵامێكی توندی تیرۆریستانی داعش درایەوە و هێرشەكەیان هاتە تێكشكاندن."

لیوا (بەهجەت) گوتیشی: "سێ هەمەری تیرۆرستانی داعش بەر لەوەی بگەنە سەنگەرەكان، لەلایەن هێزەكانی پێشمەرگەوە تەقێندرانەوە و، تیرۆرستانیش كوژراو و برینداری زۆریان هەیە، بەڵام تا ئێستا ئاماری تەواومان لە بەردەستدا نییە".




kdp.info