فەرماندەیەکی هێزی پێشمەرگەی کوردستان ئاماژە بەوە دەکات، لە یەکێک لە گوندەکانی گوێڕ، تیمێکی ئەمەریکی بە چەکی پێشکەوتووەوە جێگیر کراون.

حەسەن خاڵە حەسەن، فەرماندەی هێزی پێشمەرگەی کوردستان لە میحوەری گوێڕ، ڕاگەیاند: “تیمێکی ئەمەریکی بە چەکی پێشکەوتوو لە گوندی ئەبوشیتە لە محیوەری گوێڕ جێگیر کراون”. ئەوەشی ڕوون کردەوە: "داعش هێرشێکی فراوان کردووەتە سەر میحوەری گوێڕ و زانیاری هەیە کە پیلانی هێرشیان هەیە، بۆیە ئەو تیمە بۆ پشتگیری و پشتیوانیی پێشمەرگە لە گوێڕە”.

ئەمە لە کاتێک دایە کە لە بەشێکی بەرچاو لە میحوەرەکاندا، ڕاوێژکارە ئەمریکییەکان هاوڕێ لەگەڵ هێزەکانی پێشمەرگەی کوردستان، ڕووبەڕووی چەکدارانی داعش دەبنەوە و یارمەتیی سەرکەوتنەکانی پێشمەرگە دەدەن.








باسنیوز