هێزه‌ ئه‌منییه‌كانی كۆماری ئیسلامی ئێران پێنج كۆڵبه‌ری كورد ده‌ستگیرده‌كه‌ن و تاوه‌كو ئێستا چاره‌نووسیان نادیاره‌.

سەرچاوەیەك لە هێزه‌كانی پاسەوانی سنووری هەرێمی كوردستان لەناوچەی هەورامان رایگەیاند: " شەوی رابردوو لەئەنجامی دانانی بۆسەیەك لەلایەن هێزە ئەمنییەكانی سوپای پاسدارانەوە، لەسەر ڕێگای مەرزی (مڵەخورد)ی له‌ گوندی (دزڵی) پێنج كۆڵبەری كورد دەستگیركران و تائێستاش چارەنووسیان نادیارە".

ئەو سەرچاوەیە، گوتیشی: "هەڵسوكەوتی ئەو هێزە ئەمنیانەی ئێران، بووه‌ته‌ هۆی ئەوەی كە گوندنشینان و كاسبكاران و كۆڵبەرانی كورد بەترس و گومانەوە ژیانی ڕۆژانەی خۆیان بەڕێبكەن".

مەرزی مڵەخورد، لەدیوی رۆژهەڵاتی كوردستانه‌وه‌ دەكەوێتە گوندی دزڵی هەورامان و هاوسنوورە لەگەڵ گوندی یالانپی سەربە شارەدێی خورماڵ لە پارێزگای هەڵەبجە.