محەمەد بازیانی، سكرتێری گشتی بزووتنەوەی چاكسازی و گەشەپێدان؛ پێشبینی كرد كە عێراق لە ماوەی 5 ساڵی داهاتوودا دابەش دەبێت و ئاماژەشی بەوەدا ئەمەریكا و بەریتانیا خەریكی دامەزراندنی دەوڵەتی كوردین .



بازیانی لە لێدوانێكدا بە رایگەیاند كە ئەوەی لە عێراق روو دەدات لە خۆپیشاندان و هەڵكوتانە سەر دامودەزگاكانی دەوڵەت؛ بەڵگەیە لەسەر پارچە پارچەبوونی وڵات؛ ئەمەش پلانێكی ستراتیژیی ئەمەریكا و بەریتانیایە.



سكرتێری گشتی بزووتنەوەی چاكسازی و گەشەپێدان؛ پێشبینی كرد كەلە ماوەی 5 ساڵی داهاتوودا عێراق دابەش دەبێت و روونیشی كردەوە كە كورد بەشێك نین لەو رووداوانەی لە عێراق روو دەدەن.



بازیانی روونیشی كردەوە كە كورد بۆ چەندین جار هەوڵی دا كە كێشەكانی لەگەڵ بەغدا لە رێگەی گفتوگۆ و لێكتێگەیشتن چارەسەر بكات؛ بەڵام لایەنی عێراقی بەهۆی غروور بوون گوێی بە هەوڵەكانی كورد نەدا.



سكرتێری گشتی بزووتنەوەی چاكسازی و گەشەپێدان؛ جەختیشی كردەوە كە ئەو كێشە و ئاڵۆزییەی عێراق؛ هۆكارێكە بۆ ئەوەی كورد دەوڵەتی خۆی رابگەیەنێت.






باسنيوز