و هه‌تا نوكه‌ سنۆرى پارێزگه‌ها دهۆكێ پتر ژ 240 گۆند و ده‌ڤه‌ر ڤالانه‌ ژ وانا ژى بتنێ سنۆرى ده‌ڤه‌را ئامێدێ هه‌تا 200 گۆندان چوول كرینه‌ و ل زاخو ژى 29 گۆند چوول كرینه‌ و ل ده‌ڤه‌را ئاكرێ ژى 14 گۆند چوول كرینه‌.
رزگار سدقى، سه‌رۆكێ لژنا دوو ڤچوونا زه‌ر وزیانێن بۆردومانكرنا فرۆكێن توركیا ل جڤاتا پارێزگه‌ها دهۆكێ بۆ( باسنیوز) دیار كركو ب كۆژمێ پتر ژ دو ملیار دیناران زیان گه‌هشتینه‌ وه‌لاتیان ل ده‌ڤه‌را ئامێدێ ل قه‌زا ئامێدێ نێزیكێ 350 گۆندان هه‌نه‌ وسه‌رجه‌مێ ڤان گۆندان هه‌تا نوكه‌ پتر 200 گۆندان ڤالانه‌ وخه‌لكێ گۆندێن خو چوول كرینه‌ وخه‌لك نه‌شین بچنه‌ سه‌ر گۆندێن خو ژبه‌ر بۆردومانكرنا فرۆكێن توركیا خه‌لكێ مال وحالێ خو بجه هێلاینه‌.

ناڤبرى ئه‌وژى دیار كر كو ل دووماهیا هه‌یڤا 7 ساله‌ 2015 ده‌ست بۆردومانكرنا ده‌ڤه‌رێن سنۆرى یێن هه‌رێما كوردستانێ دگه‌ل وه‌لاتى توركیا هاتیه‌ كرن هه‌تا نوكه‌ ژێ به‌رده‌وام گۆند و ده‌ڤه‌رێن كوردستانێ دهێنه‌ بۆردومانكرن به‌هانه‌یا هه‌بوونا بنگه‌ه و باره‌گایێن په‌كه‌كێ تایبه‌تى ژى ل ده‌ڤه‌رێن چیاى هه‌تا نوكه‌ ره‌وشا ئالوزه‌ ل گۆندان وخه‌لك نه‌شین ل سه‌ر گۆند و ده‌ڤه‌رێن خو بژێن.

رزگار سدقى گۆت، چه‌ندێن لژنه‌ بۆ ته‌خمینكرنا زیانێن گه‌هشتینه‌ وه‌لاتیان یێن هاتێنه‌ پێك ئینان تایبه‌تى ژێ ل ده‌ڤه‌را ئامێدێ لێ بۆردومانكرنا ڤێ جارى جیۆازیا خو یا هه‌ى دگه‌ل بۆردومانكرنا به‌رى نوكه‌ ڤێ جارى گه‌له‌ك نێزیك گۆندان و جهێن ئاكجیبوونى هاتینه‌ بۆردومانكرن چونكو په‌كه‌كێ هه‌ول دایه‌ خو نێزیكێ وان گۆند وده‌ڤه‌ران بكه‌ن .

سه‌رۆكێ لژنا دوڤچوونا زه‌ر وزیانێن بۆردومانكرنا فرۆكێن توركیا ئاشكرا كر كو شه‌رى ڤێ دووماهیێ پتر ژ 70 گۆند و ده‌ڤه‌رین ئامێدى هاتینه‌ بۆردومانكرن ، نوكه‌ ئه‌م به‌ره‌ڤ وه‌رزى هاڤینێ و دۆرینا ده‌خلودانى دچن هه‌كه‌ بۆردومانكرن یا به‌رده‌وام بیت دێ هزاره‌ها دونه‌مێن ئه‌ردى وه‌لاتیان هێنه‌ سووتن وژناڤبرن.

سدقى دیار كر كو رۆژانا فرۆكێن توركیا ل سه‌ر ئه‌سمانێ ده‌ڤه‌رى هاتن وچوونى دكه‌ن هه‌كه‌ر بۆردومانكرن وه‌سا به‌رده‌وام بیت ئه‌و گۆندێن ماین ژێ خه‌لك دێ ڤالا كه‌ن و ره‌نگه‌ ژێ وه‌لاتى ژى ببنه‌ قوربانیى گیانى خو ژ ده‌ست بده‌ت له‌ورا ژێ پێدڤیه‌ حوكمه‌تا هه‌رێما كوردستانێ فشارى بێخته‌ سه‌ر وه‌لاتى توركیا بۆ راوه‌ستاندنا بۆردومانكرنا گۆند و ده‌ڤه‌رێن كوردستانێ چونكو راستى ژێ خه‌لك گه‌له‌ك دلگرانه‌، خه‌لك نه‌چاربووینه‌ مال و حالێ خو بجه بهێلن و به‌ره‌ڤ دهۆك و ناحیى و قه‌زایێن دێ بچن بۆ ئاكنجیبوونى.

رزگار سدقى، گۆت: "ئه‌م وه‌كو جڤاتا پارێزگه‌ها دهۆكێ دێ هه‌موو شیوه‌یان كار كه‌ن فشاره‌ك ل سه‌ر حكومه‌تا توركیا دروست بهێته‌ كرن بۆ راوه‌ستاندنا بۆردومانكرنا گۆند وده‌ڤه‌رێن دهۆكێ، هه‌تا نوكه‌ عێراقى چوو هه‌لوه‌یست دیارنه‌كرینه‌ پێدڤیه‌ حكومه‌تا عێراقى نه‌مینت بێده‌نگ دگه‌ل هه‌رێما كوردستانێ كار بكه‌ت بۆ راوه‌ستاندنا بۆردومانكرنا گۆندێن سنۆرى یێن هه‌رێمێ هه‌تا نوكه‌ چوو زیانڤیكه‌ڤتى نه‌هاتێنه‌ قه‌ره‌بوولكرن ئه‌م به‌رده‌وام هه‌ولده‌ن خه‌لك بهێنه‌ قه‌ره‌بوولكرن"



باسنیوز