كتێبی "لەسەر تەشقی تۆفان" كە کۆکراوەی چاوپێکەوتنی میدیاکانی جیهانە لەگەڵ مەلا مستەفا بارزانی، بۆ یەكەمجار لە پێشانگای نێودەوڵەتیی كتێبی تاران نمایش و بڵاودەکرێتەوە، ئەو کتێبە لەلایەن بەهرام وەلەد بێگییەوە کۆ کراوەتەوە.

ئەمڕۆ سێشەممە (10.5.2016)، ھەواڵدەری (مێھر)ی ئێران لە هەواڵێکدا باسی لە نمایشکردن و بڵاوکردنەوەی، كتێبی "لەسەر تەشقی تۆفان" کردووە کە دەقی ئەو چاوپێکەوتنانەی لەخۆ گرتووە کە میدیا جیهانییەکان لە ساڵانی 1945 تا 1979 لەگەڵ مەلا مستەفا بارزانی ئەنجامیان داوە و بۆ یەکەمین جار لە پێشانگای نێودەوڵەتی تاران بڵاو دەکرێتەوە.

ئەو كتێبە نووسینی بەھرام وەڵەد بەیگییە و دەزگای چاپ و بڵاوكردنەوەی "سالس" ئەركی چاپ و بڵاوكردنەوەی لەئەستۆ گرتووە.

ئەو کتێبە لە 900 لاپەرە پێکهاتووە و ئەو چاوپێكەوتنانەی لەخۆ گرتووە کە میدیا ئەورووپی و ئەمەریکییەکان لەگەڵ مەلا مستەفا بارزانی ئەنجامیان داوە و لە رۆژنامەكانی ئێراندا بڵاو كراونەتەوە.










باسنيوز