گوتەبێژی ئەنجومەنی سەرکردایەتیی پارتی دیموکراتی کوردستان ئاشکرای کرد، پارتی دیموکراتی کوردستان گۆڕانکاری لە پۆستی سەرۆکی ئەنجومەی سەرکردایەتی پارتیی لە سلێمانی دەکات و (ئەدھەم بارزانی)ـیش بۆ ئەو پۆستە دیاری کراوە.

(فارس نەورۆڵی) گوتەبێژی ئەنجومەنی سەرکردایەتیی پارتی دیموکراتی کوردستان لە سلێمانی بە ماڵپەڕی فەرمیی پارتیی دیموکراتی کوردستانی ڕاگەیاند: "وەکو سروشتی ھەر حزب و ڕێکخراو و دامەزراوەیەک پارتیی دیموکراتی کوردستان ھەندێک گۆڕانکاری لە ئۆرگانەکانی دەکات، یەکێک لەوانە ئەنجومەنی سەرکردایەتیی پارتییە لە سلێمانی، کە ئەم بەرپرسەی ئێستای ئەنجومەن واتە (عێزەدین بەرواری) دەگۆڕێت و (ئەدھەم بارزانی ) جێی دەگرێتەوە.

گوتەبێژی ئەنجومەنی سەرکردایەتیی پارتیی دیموکراتی کوردستان گوتیشی، ئەو گۆڕانکارییەش کارێکی ئاساییە کە حزب گۆڕانکاری لە ھەر ئۆرگانێکیدا بکات.

(فارس نەورۆڵی) باسی لەوەش کرد، ڕەنگە گۆڕانکاریی دیکەش بکرێت.






KDP