له‌ به‌رامبه‌ر هه‌واڵى چه‌ند ده‌زگایه‌كى راگه‌یاندن له‌ كوردستان له‌باره‌ى شه‌ڕٍوپێكدادانه‌كانى چه‌ند رۆژى رابردوو هێزه‌كانى پێشمه‌رگه‌ له‌گه‌ڵ تیرۆریستانى داعش له‌ چه‌ند میحوه‌رێك كه‌ ئه‌و ده‌زگا راگه‌یاندنانه‌ به‌ شێوه‌یه‌كى نێگه‌تیڤ و دوور له‌ پاراستنى ئاسایشى نه‌ته‌وه‌یى هه‌واڵیان بڵاوده‌كرده‌وه‌.

دكتۆر كه‌مال كه‌ركوكى ئه‌ندامى مه‌كته‌بى سیاسیى پارتى دیموكراتى كوردستان كه‌ هاوكات به‌رپرسى میحوه‌رى رۆژئاواى كه‌ركووكى هێزى پێشمه‌رگه‌ى كوردستانه‌، له‌ لێدوانێكدا بۆ كوردستان تیڤى رایگه‌یاند له‌كاتێكدا پێشمه‌رگه‌ به‌ ڕوحى خۆى به‌رگرى له‌ كوردستان ده‌كات، پێویسته‌ هه‌موو خه‌ڵكى كوردستان و جیهان رێڤ له‌ پێشمه‌رگه‌ بگرێت، به‌ڵام جێگه‌ى داخه‌ ئه‌و ده‌زگا راگه‌یاندانه‌ نابه‌رپرسانه‌ مامه‌ڵه‌یان كردووه‌ و به‌ شێوه‌ى نه‌شیاو باسى پێشمه‌رگه‌یان كردووه‌ .