هێزی پێشمەرگەی کوردستان هێرش دەکاتە سەر گوندی بەشیر لە پارێزگای کەرکووک، بۆ رزگارکردنەوەی لەژێر دەسەڵاتی رێکخراوی توندڕەوی داعش.



بەپێی زانیارییەکان، هێرشەکەی پێشمەرگە لە بەرەبەیانی رۆژی شەممە 30ـی نیسانی 2016 دەستی پێکردووە و هەوڵ دەدرێت گوندەکانی دەوروبەری گوندی بەشیر رزگار بکرێنەوە.



بەپێی زانیارییەکان، تاوەکو ئێستا هێزەکانی پێشمەرگە توانیویانە گوندی ئەلبوفەرەج لە دەوروبەری بەشیر رزگار بکەنەوە.



گوندی بەشیر، گوندێکی تورکماننشینە و دەکەوێتە باشووری رۆژئاوای کەرکووک و لەلایەن چەکدارانی داعشەوە داگیرکراوە.



لەو کاتەوەی لە ساڵی 2014ـەوە داگیر کراوە، چەندین جار میلیشیاکانی حەشدی شەعبی و سوپای عێراق هێرشیان کردووەتە سەر ئەو گوندە بە مەبەستی رزگارکردنەوەی، بەڵام سەرکەوتوو نەبوون.



لە مانگی حوزەیرانی 2014 و دوای ھەرەسھێنانی سوپای عێراق، بەشێکی زۆری ناوچەکانی پارێزگاکانی نەینەوا، دیالە، سەڵاحەدین و چەند ناوچەیەکی باشووری کەرکووک، لەلایەن چەکدارانی داعشەوە داگیرکرا.








باسنیوز