"ئوسامه‌ نوجێفی" سه‌رۆكی هاوپه‌یمانی"موته‌حیدون" جه‌خت له‌وه‌ ده‌كاته‌وه‌ كه‌ به‌شداری كردنی حه‌شدی میللی له‌شه‌ڕی ڕزگاركردنی موسڵدا، په‌كی پرۆسه‌ی ڕزگاركردنی ئه‌و شاره‌ ده‌خات. هۆكاره‌كه‌یشی بۆ ئه‌و هه‌ڵه‌و كه‌مووكووڕییانه‌ گێڕایه‌وه‌ كه‌ حه‌شد له‌ناوچه‌ جیاجیاكانی عێراقدا ئه‌نجامیان داوه‌.



نوجێفی له‌دیداری"ماركۆ كارنیلۆس" باڵیۆزی ئیتاڵیا له‌عێراق، پێداگری له‌وه‌ش كرد كه‌ هه‌موو تواناكان یه‌ك بخرێن له‌پێناوی به‌زاندنی داعشدا.



گوتیشی: " خه‌ڵكی موسڵ، چه‌كدارانی هۆزه‌كان و پێشمه‌رگه‌و سوپای عێراق، به‌هاوكاری هاوپه‌یمانی نێوده‌وڵه‌تی موسڵ ڕزگارده‌كه‌ن و پشتی تیرۆر ده‌شكێنن".



هه‌روه‌ها گوتی: " به‌شداری حه‌شدی میللی پرۆسه‌كه‌ په‌ك ده‌خات، چونكه‌ خه‌ڵكی موسڵ سورن له‌سه‌ر ئه‌وه‌ی بوارنه‌ده‌ن به‌وه‌ی داعش بتوانێت خه‌ڵكی زیاتر بۆ شه‌ڕێ تایفی خۆی بێنێته‌ ژێر بار".
















باسنيوز