بەسەرپەرشتی ئەمریكیا دوو لیوای هێزی پێشمەرگە دەستیان بە مەشقێكی 10 هەفتەیی كرد. ئەو دوو لیوایەی دەستيان بە مەشق كردووە كۆنترین دوو لیوای وەزارەتی پێشمەرگەن یەكیان گرتبێتەوە و لە سنووری كەركووك جێگر دەكرێن.

هەڵگۆرد حیكمەت، بەڕێوەبەری گشتیی راگەیاندن لە وەزارەتی پێشمەرگە راگەیاند، ئەو دوو لیوایە رۆژی یەكشەممە 28-2-2016 دەستیان بە مەشق كردووە و ماوەی 10 هەفتە بەردەوام دەبن.

بەڕێوەبەری گشتیی راگەیاندن لە وەزارەتی پێشمەرگە روونیكردەوە، دوای تەواوبوونی مەشق ‌و راهێنانەكانیان ئەو دوو لیوایەی هێزی پێشمەرگە كە لیوای یەك ‌و دوون، هەر لەلایەن ئەمریكاوە پڕچەك دەكرێن و لە سنووری كەركووك جێگیر دەكرێن.

هەر لیوایەكی هێزی پێشمەرگە لە سێ‌ فەوج پێكدێت‌ و ژمارەشیان نزیكەی 2500 پێشمەرگە دەبێت، واتە بەهەر دوو لیواكە ژمارەیان دەگاتە نزیكەی 5 هەزار پێشمەرگە.








رووداو-