دوای ئەوەی لەگەڵ سەرۆك كۆمار و سەرۆكی وەزیران و سەرۆكی پەرلەمانی عێراق كۆبۆوە، ئەمڕۆ وەزیری بەرگری ئەڵمانیا و شاندێكی سەربازی گەیشتنە هەولێر و لەلایەن وەزیری ناوخۆی هەرێم پێشوازی لێ كرا.

ئۆرسولا ڤۆن دێر لێین، وەزیری بەرگریی ئەڵمانیا شاندێكی لەگەڵدایە كە ژمارەیەك راوێژكاری سەربازی لەخۆگرتوون. بڕیارە سبەی لەگەڵ مەسعود بارزانی، سەرۆكی هەرێمی كوردستان و نێچیرڤان بارزانی، سەرۆكوەزیرانی هەرێمی كوردستان كۆببێتەوە.

لەماوەی رابردوو دووجاری دیكە وەزیری بەرگری ئەڵمانیا سەردانی هەولێری كردوە، لەگەڵ بەرپرسانی هەرێم كۆبوونەتەوە، دواتر ئەڵمانیا هاوكاری سەربازی و مرۆیی ناردوە بەتایبەت چەكی میلان كە رۆڵی باشی لەرووبەرووبوونەوەی داعشدا هەبووە.