کەناڵی کەی ئێن ئێنی سەر بە نەوشیروان و تاقمەکەی گرته‌یه‌كی ڤیدیۆییان بڵاو کردووه‌ته‌وه‌، کە گوایە کادیرێکی پارتیی لە ،کەلار بە دەستی پاسەوانەکانی بارەگای ناوچەی پارتیی شەھید کراوە، لەمباریەوە بەرپرسی لقی22ی پارتیی دیموکراتی کوردستان لە گەرمیان ئەو ھەواڵە بە تووندی رەت دەکاتەوە و دەڵێ، ئەو ڤیدیۆیە دروستکراوە و بۆ مەرامی سیاسی بە کاری دەھێنن، بەڵکو ئەو ھەڤاڵە بە تەقەی ئاژاوەچییەکان شەھید کراوە.''

بەرپرسی لقی22ی پارتیی دیموکراتی کوردستان لە گەرمیان (ئەکرەم ساڵح)، بە ماڵپەڕی فەرمیی پارتیی دیموکراتی کوردستانی راگەیاند: ''ئەو گرتە ڤیدیۆییەی لە کەناڵی کەی ئێن ئێن بڵاو کراوەتەوە، ھیچ بنەمایەکی راستی نییە و، ئەو ڤیدیۆییەی ئەوان بڵاویان کردووه‌تەوە، ھەر لە سەرتاوە لای ئێمە ھەیە و، ئەوان بۆ مەرامی سیاسیی خۆیان مونتاژیان کردووە و بەکاریان ھێناوە، ئەگەر نا ئەو ڤیدیۆیە نە کات و شوێنەکە و نە تەقەکەیشی پێوەندی بە شەھیدبوونی ئەوھەڤاڵەوە نییە.''

(ئەکرەم ساڵح) گوتیشی، بە ھیچ شێوەیەک ته‌قه‌کانی پاسەوانی ناوچە لەو شوێنەی ئەوھەڤاڵەی لێ شەھید کراوە ئاراستە نەکراون.''

بەرپرسی لقی22ی پارتیی دیموکراتی کوردستان لە گەرمیان جه‌ختی كرده‌وه‌، ئەو کادیرە بە تەقەی ئاژاوەچییەکان و لە دواوە شەھید کراوە، نەک پاسەوانەکانی بارەگای ناوچەی پارتیی دیموکراتی کوردستان.