بەرپرسی لقی پارتیی دیموکراتی کوردستان لە ھەڵەبجە ئاشکرایکرد، لەئێستادا کۆمەڵە گەنجێک کۆبوونەتەوە وبەنیازن ھێرش بکەنە سەر بارەگای پارتیی لەھەڵەبجە.

بەرپرسی لقی پارتیی دیموکراتی کوردستان لە هەڵەبجە فازل بەشارەتی رایگەیاند: ئەمڕۆ ھێرشکراوەتە سەر بارەگاکانی پارتی لە هەڵەبجەی تازەو زەرایەن وشارەزور و بەردباران کراون و زیانی مادی بەبارەگاکانیان کەوتوون، بەڵام زیانی گیانی نەبووە، چونکە رادەستی ھێزە ئەمنییەکان کراون ئەوانی تێدا نەماون.

فازل بەشارەتی گوتیشی: لەئێستادا کۆمەڵەگەنجێک كە ژمارەیەكی كەمن، کۆبوونەتەوە وبەنیازن ھێرش بکەنە سەر بارەگای پارتیی لەهەڵەبجە، بەڵام تائێستا ئەو هێرشەیان ئەنجام نەداوە.