نوێنەری یەکێتی نیشتیمانی کوردستان لە تورکیا، نامەیەک ئاراستەی حزبەکەی دەکات و داوایان لێدەکات هەڵسن لەخەوو. دەشڵێت: “كاتی ئەوە هاتووە بەڕاستی یەكێتیی نیشتمانیی كوردستان لەم ئابڵوقە سیاسییە خۆی دەربهێنێ”.

“بەهرۆز گەڵاڵی” نوێنەری یەکێتی لەنیشتیمانی کوردستان لە تورکیا لە نامەیەکدا لەتۆڕی کۆمەڵایەتی فەیسیووک بڵاوی کردووەتەوە و دەڵێت: “كاتی ئەوە هاتووە، یەكێتیی لەم ئابڵوقە سیاسییە خۆی دەربهێنی، بەتایبەتیش لەگەڵ بەیتی شیعی، كە ساڵەهای ساڵە، سەرۆك مام جەلال و یەكێتیی نیشتمانیی كوردستان جهودێكی زۆریان سەرف كردووە.
ئەوەش دەخاتەڕوو: بەداخەوە دوای نەخۆشكەوتنی سەرۆك مام جەلال، یەكێتی نیشتمانی بەغدای بەتەواوی فەرامۆش كردووە. لەكاتێكدا لەكوردستانیش هێشتا هیچ دواڕوژێكی روون و چارەنووسازممان بۆ گەلەكەمان دابین نەكردوە.

بەهرۆز گەڵاڵی دەشڵێت: “تێناگەم یەكێتیی نیشتمانی كوردستان لەچی سڵدەكات؟ بۆ دەبێ پەیوەندییەكی سارد و سڕی لەگەڵ بەغدا هەبێ؟ داوا دەكەم سەركردایەتی یەكێتی هەستن لەخەو”.





باسنیوز