ئەمشەو یەکەم کاروانی حاجیان دەگەڕێنەوە هەرێمی کوردستان
سەردار قوربانی، گوتەبێژی وەزارەتی ئەوقاف راگەیاند : ئەمشەو یەکەم کاروانی حاجیانی هەرێمی کوردستان کە 420 حاجین دەگەنەوە هەرێمی کوردستان".
گوتەبێژی وەزارەتی ئەوقاف گوتی: ژمارەی حاجیانی هەرێمی کوردستان 3 هەزار و 656 حاجی بوونە، تاوەکو ئیستاش چوار حاجی کورد لە مەککە گیانیان لە دەستداوە و سەرجەم حاجیان لە رێگەی 11 کاروانەوە دێنەوە کوردستان .
گوتەبێژی وەزارەتی ئەوقاف گوتیشی: لەرووداوەکانی مەککە تەنها یەک حاجی کە خەڵکی پارێزگای دهۆکە برینداربووە".
سەردار قوربانی ئاماژەی بەوەشدا یەکەمین کاروانی حاجیانی پارێزگای سلێمانیش 4 -10 - 2015 دەگەنەوە هەرێمی کوردستان و 8-10- 2015دواین کاروانی حاجیانی کورد دەگەڕێنەوە.
رووداو
