له‌سه‌ر فه‌رمانی سه‌رۆك بارزانی، ته‌رمى شه‌هیدى فه‌رمانده‌ یوسف لچه‌ له‌ پاكستانه‌وه‌ ده‌هێنرێته‌وه‌ هه‌رێمى كوردستان و له‌ سلێمانى ده‌نێژرێت .

یوسف محه‌مه‌د قادر ناسراو به‌ یوسفه‌ لچه‌ پێشمه‌رگه‌ و فه‌رمانده‌یه‌كى دیارى پارتی دیموكراتی كوردستان بوو له‌ هه‌ردوو شۆڕشی ئه‌یلوول و گوڵان و له‌سه‌ر فه‌رمانی سه‌رۆك مه‌سعود بارزانی ته‌رمه‌كه‌ى سبه‌ى سێشه‌ممه‌ له‌ رێگه‌ى فڕۆكه‌خانه‌ى نێوده‌وڵه‌تیى هه‌ولێره‌وه‌ ده‌هێنرێته‌وه‌ هه‌رێمى كوردستان و دواتر بۆ شارى سلێمانى ده‌گوازێته‌وه‌ و روژی دواتریش كاتژمێر نۆی سه‌رله‌به‌یانی له‌ مزگه‌وتی ئه‌حمه‌دی حاجی عه‌لیه‌وه‌ له‌ مه‌راسیمێكی شایسته‌دا به‌ره‌و دوا مه‌نزڵی خۆی بۆ گردی ئابلاغ به‌رێ ده‌كرێت و له‌وێ به‌خاك ده‌سپێردێت .